Maider Behotegi izanen da EEPren lehendakaria ondoko hiru urteetarako. Euskal Hirigune Elkargoaren ondotik, Pirinio Atlantikoetako Departamenduko kontseiluaren txanda da lehendakaritza hartzeko; horrek ekarri du aldaketa. Antton Kurutxarriren segida hartuko du. Departamenduko kontseiluan, Jean Jacques Lasserren zentro-eskuineko gehiengoaren parte da. Horrez gain, Bardozeko (Lapurdi) auzapeza da 2020ko herriko bozetatik, eta Euskal Hirigune Elkargoan ere parte hartzen du. Erdalduna da, baina euskara ikasten ari da Bardozeko AEKren gau eskolan.
Ikusi gehiago:EEPri eskatu diote lan egin dezala euskal hiztunak %30 izan daitezen 2050erako
Ikusi gehiago:Ekhi Erremundegiren analisia: 'Hil ala bizi'
