Korapiloak itsasoko eguneroko bizitzaren parte dira, eta belaunaldiz belaunaldi itsasoko jendearen artean transmititu diren ezagutzen eta trebetasunen parte ere bai. Tailer praktiko honetan, Ramón Lijók, Pasaiako Blas de Lezo Itsas Eskolako irakasleak, itsasoko ohiko korapilo batzuk eta haien erabilera ezberdinak erakutsiko dizkigu. Jarduera honetan modu praktikoan ikasteko, eskuekin dugun trebetasuna probatzeko eta Pasaiako historia eta itsas ondarearen parte den jakintza baten berri izateko aukera izango dugu.