Alemaniako ekonomia aurten %3,6 hazteko aurreikuspena egin bazuten ere, orain %2,9ra jaitsi dute. Hurrengo urterako aurreikuspena ere murriztu egin dute: %2tik %0,8ra. Hori diote hango arloko institutu nagusiek.
"Hurrengo hilabeteetan nabarmen geratuko da Alemaniako ekonomia", esan dute, Europako ekonomia eta finantza krisiak eragina duela iritzita. "Arriskurik handiena zor publikoaren krisia areagotzea izango da", eta egoera "modu nabarmenean" okertu daitekeela ohartarazi dute.
Dena dela, Alemanian aurten langabezia ez dela igoko uste dute. Hau da, %7 inguruan segituko duela —hiru milioi lagun lanik barik—. 2012rako aurreikuspen hobea dute: %6,7ko langabezia —2,8 milioi lagun—.
Europako ekonomia nagusia Alemaniakoa da.
