Jaioterrian omendu zuten igandean Jose Maria Arizmendiarrieta, Markina-Xemeinen, eta omenaldian izan ziren, besteak beste, Iñigo Urkullu Eusko Jaurlaritzako lehendakaria, Javier Sotil Mondragon Korporazioko presidentea, Mario Izeta Bilboko gotzaina eta Jose Maria Ormaetxea Fagorreko sortzaileetako bat.
Arizmendiarrieta Arrasateko lanbide eskolako zuzendaria zela, haren laguntzaz bilakatu zuten Ulgor enpresa —gerora Fagor izango zena— kooperatiba, 1959an. Hortaz, kooperatibismoaren aitatzat jo izan dute.
Omenaldian, Arizmendiarrietaren "pertsona, balioak eta legatua” goraipatu zituen Urkulluk. Eredutzat jo zuen, argudiatuta "pertsonen alde" lan egin zuela.