Arrasateko Fagorrek 102 milioi euroren proiektu berriak lortu ditu

ARRASATE. Arrasateko Fagorrek ezin hobe hasi du aurtengo lehen lauhilekoa: 26 proiektu berri hitzartu ditu orain arte, guztira 102 milioi eurokoak. Fagorreko arduradunek adierazi dute 2021. urtearen amaiera eta 2022. aren hasiera aldean merkatuak erritmoa berreskuratu eta pandemia aurreko mailetara iritsi dela. Aurreikuspenen arabera, guztira 190 milioi euroren eskaerak jasotzea espero dute aurten, iaz baino ia %20 gehiago. 160 milioirekin itxi zuten iaz, 2020an baino %50 gehiago.