Aste honetan onartuko du Madrilek bizitzeko gutxieneko diru sarrera

MADRIL. Gaurko Ministroen Kontseiluan ez bada, aste honetan egingo duen beste bilera berezi batean onartuko du Espainiako Gobernuak bizitzeko gutxieneko diru sarrera. Haren bidez, beste diru sarrerarik ez duten edo oso apalak dituzten 850.000 familiak 461 eta 1.100 euro artean jasoko dituzte. Saria Gizarte Segurantzak emango duenez, haren osagarri bihurtuko dira EAEko DSBE diru sarrerak bermatzeko errenta eta Nafarroako errenta bermatua.