Errefereduma egin ostean, Greziako Gobernuak kapitalen gaineko kontrola ezarri zuen, eta, ondorioz, itxita egon da bost astez Atenasko burtsa. Gaur ireki da berriro, eta, aurreikusi bezala, galera handiak izan ditu ireki eta lehen orduetan: %23. Itxieran, berriz, %16koa izan da galera. Horien ondorio kaltegarrienak Greziako bankuek jasan dituzte, ia %30eko galera izan baitute Piero bankuak eta Greziako Banku Nazionalak.
Dena dela, Atenasko burtsen galerak ez du ekarri Europako gainerako burtsen gainbehera. Londres, Paris, Milan eta Madrileko burtsek ere galerak izan badituzte ere, ez dira hainbestekoak izan.
