Atzo lortutako akordioak "benetako negoziaketa" ahalbidetzen duela esan du Asporosak

SEPIk eta Izar ontziola taldeko sindikatu nagusiek atzo lortutako aurre akordioak "hilik jaio zen negoziaketaren hariari berriz heltzea" posible egiten duela adierazi du Miguel Angel Asporosa Navaleko Enpresa Komiteko presidenteak. SEPIk hasieran eginiko Plana "erabat onartezina" zela sindikatuentzat eta orain akordioak lortu bidean "alde guztiek zerbait utzi beharko" dutela azpimarratu du. Hala ere, langileek "lan karga" eskatzen dutela eta horren gainean ez direla "ezer" egiten ari aitortu du Asporosak. Horregatik, irailaren 28 eta 30erako greba egunak mantenduko dituela esan du.