Bederatzi kooperatibek osatzen dute Fagor taldea

Fagor Etxetresnak da Fagor taldearen barruan kooperatiba ezagunena beharbada, baina ez bakarra. Bideragarritasun arazoak etxetresna egileak dauzka, baina besteak osasun hobean daude. Fagor Arrasate, Fagor Automation, Fagor Ederlan, Fagor Electronica, Fagor Industrial, Mondragon Assembly, Fagor Koop E., eta Copreci dira kooperatiba horiek, Fagor Etxetresnekin batera. Fagor Industrialek, esaterako, garbi utzi nahi izan du Mondragon taldekoa dela, baina «enpresa subiranoa, nahiz eta marka komertziala partekatu». Fagor Industrialen emaitzak osasuntsuak direla azpimarratu zuen, etxetresnen egilearen arazoekin nahas ez dezaten. Onnera Group izena hartzear da.