Bi langile zauritu dira Iberdrolaren dorrean

BILBO. Iberdrolaren dorrearen eraikuntza lanetan ari zirela, aldamio batetik erori ziren bi langile atzo Bilbon, 4,5 metroko altueratik. 16:30 inguruan gertatu zen ezbeharra. Ospitalera eraman zituzten beharginak, baina arriskutik kanpo daude. Iberdrolak nabarmendu du lanek iraun duten bost urteetan «larritasun maila bateko» istripu bakarra gertatu dela.