Eusko Jaurlaritzako egoitzan itxialdia egin dute Incoesako langileek, Arantza Tapia Garapen Ekonomiko eta Lehiakortasun sailburuari eskatzeko "benetako apustua" egin dezala ehun produktiboaren alde eta bideragarritasun plan bat aurkez dezala Bediako plantarentzat (Bizkaia).
Langileek salatu dutenez, planta ixteko eta langile guztiak kaleratzeko asmoaren berri eman die enpresak. Bilera bat egitea galdegin diote Tapiari, "sarritan hitzeman arren oraindik ez baita bilera hori egin".
LAB sindikatuaren arabera, hamar lagun inguru sartu dira bulegoetara, eta kanpoan geratu dira gainerako langileak.
