Bizkaiko kiroldegietako langileek lehen greba eguna egin dute gaur. ELA sindikatuak jakinarazi duenez, Ā«Bilboko udal igerileku guztiakĀ» itxita egon dira. 2.000 lagunek lan egiten dute sektore horretan, eta hamarretik bederatzik baino gehiagok bat egin dute deialdiarekin. Sektoreko hitzarmena berritzeko eskatu dute. Izan ere, 2022. urte bukaeratik ez dute ituna berritu.
Sindikatuak jakinarazi duenez, beste bederatzi greba egunetara deitu dute: apirilean beste bost egingo dituzte, (11,12,13,15 eta 16), eta maiatzean, lau (7,8,9 eta 10). Eskualdeka mobilizazioak egingo dituztela iragarri dute: bihar, Sopelatik Leioara bizikleta martxa egingo dute, eta etzi Bilboko kaleetan kalejira bat, besteak beste.
ELAk ez ezik, LABek, CCOOk eta UGTk ere babestu dituzte deialdiak.