Burtsaratzea Internet bidezko enkantearekin egitea aztertzen ari da Google

Internet alorreko bilatzaile nagusietakoa den Google konpainia burtsara ateratzeko modu berezi bat aztertzen ari omen da, Financial Times egunkariaren arabera. Adituenustez, 15.000 milioi dolar inguruko balioa duen konpainia bere akzioen Saltzeko Eskaintza Publikoa Internet bidez enkantean egitea aztertzen ari da. Bi dira hori egiteko arrazoiak; batetik burtsara ateratzeko kostuak merketzea, inbertsio bankuen komisioak saihestuz, eta bestetik, finantza eskandalu posibleak ekiditea. Inbertsio bankuetatik, ordea, enkanteak akzioen prezioan gainbalioa ekar lezake.