CNT sindikatuak «klase antolaketa» aldarrikatu du

CNT sindikatuak Hego Euskal Herriko lau hiriburuetan eta Barakaldon egin zituen mobilizazioak: Bilbon eta Donostian bere kabuz egin zuen manifestazioa; aldiz, gainerako lekuetan, kolektibo sozialekin eta beste sindikatuekin batera. Eta zera nabarmendu zuen protesta horietan: bizitzaren garestitzeak eragindako krisi ekonomikoaren aurrean langileak «modu autonomoan» bildu izana, «klase interes propioak defendatuz» eta «patronalaren eta hitzarmen sozialeko sindikalismoaren aurrean kontrabotere lanak eginez».

Hain zuzen ere, «alderdietatik at» antolatu eta eredu «anarko-sindikalean» sakontzeko beharra aldarrikatu zuen CNTk manifestazioaren ondorengo agerraldian: «Antolakuntza behar dugu: klase antolaketa; sindikatu antolaketa».