EEEk aholkatu du argindar hornitzailea ez aldatzeko

BILBO. Uztailaren 1etik aurrera, Hego Euskal Herriko herritarrek argindarra ematen dien konpainia aukeratu beharko dute. Oraingoz aldaketarik ez egiteko eta aurreko konpainiaren adar komertzialari eusteko aholkua eman du Energiaren Euskal Erakundeak, hurrengo hilabeteotan eskaintza hobeak etorriko direla espero baitu. Inolaz ere hornikuntza ez dela etengo ohartarazi die herritarrei.