Egoin taldeak erosi du Grupo Holtza enpresa

BILBO. Lau urtetan lantaldea bikoiztu eta neurria handitu nahi du Egoin egurrezko eraikuntza enpresak. Atzo jakinarazi zuten Legutioko Grupo Holtza (Araba) erosi duela, sektore berdinekoa. Eusko Jaurlaritzaren Gauzatu planaren laguntza jaso du Egoinek. 1990an sortu zen, eta 58 langile ditu, gehienak Eako egoitza nagusian (Bizkaia), baina baita Miarritzeko eta Edinburgoko ordezkaritza komertzialetan.