Emakume bat hil egin da Egilazko (Araba) abeltzaintza ustiategi batean, eta haren semea zauritu, behien kolpeen ondorioz. Eusko Jaurlaritzako Segurtasun Saileko iturriek argitu dute hildakoak eta zaurituak zerikusia zutela abeltzaintzako ustiategi horrekin, eta lan istripu gisa hartu du ezbeharra. Hori baieztatuko balitz, Euskal Herrian lan istripuan hildako 22. behargina izango litzateke.
Zauritua anbulantzian eraman dute ospitalera, eta emakumea haztegian bertan hil da. Ezbeharra gaur gertatu da, 12:00etan.
Ertzaintza «ustekabeko» gertakari baten hipotesiarekin ari da lanean; ikertzen ari dira zerk bultzatu duen ganadua bi langileen aurka oldartzera.