Erkidegoek defizitaren muga beteko dutela ziurtatu du Salgadok

Autonomia erkidegoek berenBPGaren %1,24ko defizita pilatu dute urtarriletik irailera. Nahiz eta gastu gehienak urtearen azken hiruhilekoan biltzen diren, urtearen amaieran %2,4ko defizitaren muga beteko dutela ziurtatu du Elena Salgado Espainiako Ekonomia ministroak. Datuen zabalpena aurreratu egin du Espainiako Gobernuak, kalifikazio agentzia eta analista batzuek auzitan jarri dutelako erkidegoak defizita murriztera behartzeko gaitasuna duela. Nafarroak 18,2 milioi euroko desoreka izan du orain arte (BPGaren %0,29). Arabak, Bizkaiak eta Gipuzkoak, berriz, kutxetan sartu den baino 65,5 milioi gehiago gastatu dituzte (BPGaren %1,46).