Energiaren Euskal Erakundeak (EEE) iragarri duenez, indarrean dago etxetresnak berritzeko Renove plana. Milioi bat euro emango dute 8.000 etxetresna zahar argindar gutxiago kontsumitzen dituztenekin ordezkatzeko. Lerro zuriko gailuentzat izango dira, hala nola hozkailuak, izozkailuak, garbigailuak eta ontzi garbigailuak.
125 euro jasoko dituzte A+++ maila duten tresnak erosten dituztenek, eta 105 euro, berriz, A++ mailakoen erosleek. Maila horietatik behera dauden etxetresnek ez dute laguntzarik jasoko, ezta berritze gisa hartu ezin direnek ere.
Gailua saltzen duen denda arduratuko da laguntza kudeatzeaz, eta ordaindu beharreko prezioari ezarriko dio.
