Berez, Finlandia oztopoa zen Europako Finantza Egonkortasunerako Funtsa (EFSF) handitzeko eta malgutzeko prozesuan, hauteskundeetan indartu egin baitziren erreskate neurrien kontrako alderdiak. Atzo, ordea, Finlandiako Parlamentuak babestu egin zuen uztailaren 21eko Europako agintarien akordioa, EFSF aldatzeko. Gobernuko alderdietako 103 diputatuek bozkatu zuten alde, eta oposizioko 66ek kontra.
Finlandia EFSFren erreforma onartu duen euroguneko hamargarren herrialdea da. Gainerakoak Belgika, Eslovenia, Espainia, Frantzia, Grezia, Irlanda, Italia, Luxenburgo eta Portugal izan dira. Zazpi herrialde falta dira. Bi oztopo nagusi daude: Alemania eta Eslovakia. Alemanian gaur bozkatuko dute, eta ia ziurra da erreforma babestuko dutela; Eslovakian, urriaren 11n, ez.
Finlandiak onartu du Europako erreskate funtsa handitzea eta malgutzea
Iruzkinak
Ez dago iruzkinik
Ordenatu
