Gamesak lantegi bat egingo du Brasilen

GASTEIZ. Akordioa sinatu dute Gamesak eta Brasilgo Bahia estatuko gobernadore Jaques Wagnerrek. Camaraçi herrian lantegi bat irekitzeko konpromisoa hartu du aerosorgailu enpresak. 300 megawatt ekoizteko gaitasuna izango du, eta ehun lanpostu sortuko ditu. Epe motz eta ertainean Mercosur gunean haztea da Gamesaren helburuetako bat.