Martin Garitano Gipuzkoako ahaldun nagusiak jakinarazi duenez, Aldundiak bertan behera utziko du urte amaieran Gipuzkoa Aurrera lan taldearekin duen akordioa. Foru Gobernuan EAJ eta Hamaikabat zirela sinatu zen akordio hori, 2008ko maiatzean, Kutxa, Adegi, MCC, Merkataritza Ganbera eta Donostiako Udalarekin.
Lan taldea sortu zutenean azaldu zutenez, Gipuzkoako "proiektu estrategiko handiak" bultzatu eta horien inguruan ahaleginak batzea zen helburua. Garitanok Batzar Nagusietan PSE-EEren eta Aralarren galderei erantzunez esan duenez, ordea, beste parte-hartze dinamika bat bilatuko dute, orain arte lan taldeari bideratutako diru laguntzak etenda.
EAJren ustez, harremana bukatzea "atzerapauso garrantzitsua" izango da.
