Hazkundeari eutsi dio Oinarrik urte hasieran

GASTEIZ. Oinarrik 24,8 milioi euroren maileguei eman die bermea urteko lehen hiru hilabeteotan, iazko epe horretan baino %1 gehiago. Enpresa txiki eta ertainei maileguak lortzen laguntzen die Oinarrik, eta dagoeneko 2.950 bazkide ditu, beste 22 batu zaizkiolako urtea hasi denetik. 2012rako kudeaketa plana onartu zuen atzo Oinarriko Batzarrak. Krisiak bereziki astintzen dituen sektoreei bermeak ematea izango du lehentasun.