Iñigo de Oriolek 70 urte beteko ditu datorren urtean, eta Iberdrolako presidentetza utziko du, 2006ko Akziodunen Batzar Nagusiaren osteko lehen administrazio kontseiluan. Haren tokiaIgnacio Sanchez Galanek hartuko du, argindar konpainiako oraingo kontseilari ordezkaria.
Hala erabaki zuen atzo Iberdrolako Administrazio Kontseiluak, eta Oriol «modu logikoan eta ziurgabetasunik gabe» ordezkatu dutela adierazi zuen agiri batean. Agiriak dio sartu zenetik (2001. urtean) konpainiak izandako «norabide arrakastatsuagatik» izendatu dutela Galan presidente, eta Oriolen «ibilbide distiratsu eta eredugarria» izan dela azpimarratzen du. 1992tik da Oriol Iberdrolako presidente, Iberduerok eta Hidroelectrica Españolak bat egin zutenetik. Aurretik, azken horretako presidente zen, 1985etik, bere aita Jose Maria Oriol Urkijoren lekua hartu zuenetik. Iñigo Oriolek kontseiluan utziko duen lekua Iñigo Victor Oriol Ibarra semeak hartuko du.
IBERDROLA. Galan Oriolen oinordeko
Datorren urtean hartuko du argindar konpainiako presidente kargua
Iruzkinak
Ez dago iruzkinik
Ordenatu
