Iberdrolak 2.481 milioi euro irabazi ditu irailera artean, iaz baino %54 gehiago

Batzuek ez dute, nonbait, krisirik. Izan ere, Iberdrola euskal enpresak aurten irailera bitartean 2.481,3 milioi euro irabazi ditu, gaur jakinarazi dituzten datuen arabera. 2007ko lehen bederatzi hilabeteetan baino %53,8 gehiago da hori.

Batik bat, negozio berrietan eta nazioarteko etekinetan oinarritu ditu irabaziak; %90, hain zuzen.

Ingeniaritzako negozioen eta ez-energetikoen arloan, aldiz, etekinek %17,8 egin dute behera, 290,3 milioi eurora arte. Espainiako Estatuan etxegintza krisian delako izan da jaitsiera hori, Iberdrolak dioenez.