Apiriletik maiatzera %0,5 igo dira prezioak Hego Euskal Herrian. Aurreko hilabeteotan behera egin ondoren, argindarra berriro garestitu da, eta jantziek eta oinetakoek ere igoera handia izan dute: %1,9 Araban, Bizkaian eta Gipuzkoan, eta %4,4 Nafarroan. Garraioaren prezioa ere dezente igo da (%1,4), erregaia garestitzen ari delako.
Urte arteko bilakaerari erreparatuz gero, ez da aldaketarik, -%0,7an jarraitzen baitu urte arteko inflazioak. Laugarren hilabetea da segidan kontsumo prezioen indizea negatiboan dagoela. Inflazio tasa handiena Bizkaiak du (-%0,6), eta Gipuzkoak txikiena (-%0,9). Tartean daude Araba eta Nafarroa, bietan -%0,8 baita.
