Irabaziak izan arren, Banestok kaleratu nahi du

BILBO. ELA, UGT eta CCOO sindikatuek deituta, Banestoko langile talde bat Bilboko egoitza nagusiaren aurrean bildu zen atzo. ELAk azaldu duenez, elkarretaratze horren bidez salatu nahi dute bankua hainbat langile kaleratzen ari dela, iaz 450 milioi eurotik gora irabazi zituen arren. Kaleratzeak arbitrarioak direla eta langileen oinarrizko eskubideak bortxatzen dituztela ziurtatu du ELAk.