Iraila bitarte 2.672 milioi euro irabazi ditu Arcelorrek

MADRIL. ArcelorMittal altzairugintza sektoreko erraldoiak 2.672 milioi euro irabazi ditu urteko lehen bederatzi hilabeteetan. Emaitza bikainak dira, iaz garai beran 76 milioi euroren galerak izan zituela kontuan hartuta. Lakshmi Mittal multinazionaleko presidenteak, baina, emaitzak zuhurtziaz hartu behar direla esan du, egoera oso ezegonkorra delako.