Italiaren BPGa uzkurtu egin da, laugarrenez

ERROMA. Italiako barne produktu gordina (BPG) %0,7 uzkurtu da aurtengo bigarren hiruhilekoan, lehenengoarekin alderatuta. Jaitsiera %2,5ekoa da duela urtebeteko datuekiko. Italiako ekonomia uzkurtu egin da lau hiruhilekotan jarraian. Industria produkzioa ere jaitsi egin da ekainean: %1,4 maiatzekoarekin alderatuta. Aurten metatutako jaitsiera %7koa da.