Kontxu Uzkundun, Urteko Enpresaria Gipuzkoan

DONOSTIA. Minimil arropa markaren jabe Kontxu Uzkundunek Gipuzkoako Aspegi elkarteak ematen duen Urteko Enpresaria saria jasoko du gaur. 50 urteko ibilbideari aitortza egingo diote Uzkunduni. Diseinatzaileak Minimil moda alorreko marka bizirik eta osasuntsu egotea lortu du urte askoan, «kalitatezko arropa lantzen», Aspegiren arabera.