Korta sariak Teodoro Cid, Xabier Irala, Ricardo Garate eta Manuel Iraolagoitiari

GASTEIZ. Enpresa munduaren alde egindako lanarengatik Joxe Mari Korta 2014 saria eman zien atzo Eusko Jaurlaritzak lau pertsonari:Teodoro Cid Jolma tailerretako sortzaileari, Xabier Irala Iberia eta BBK-ko presidente ohiari, Ricardo Garate Grupo Uncetako presidenteari, eta Manuel Iraolagoitia Microdeco enpresaren sortzaileetako bati. Lohitzune Txarola Gipuzkoako Batzar Nagusietako presidenteak (Bildu) uko egin zion ekitaldian parte hartzeari «aurreko urteotan bezala», emakumerik ez dagoelako sarituen artean.