Kutxabankeko presidenteorde Xabier Iturbe da Euskalteleko presidente berria

BILBO. Alberto Garcia Erauzkinen erreleboa hartu du Xabier Iturbek Euskalteleko presidente gisa, eta, horrekin batera, konpainiaren euskal erroa sendotu egin da; Zegona funtsak hartu du konpainiaren kontrola aurten, baina Kutxabankeko egungo presidenteordeak oreka apur bat jarriko duela ematen du. Atzo jakin zen, bestalde, urteko hirugarren hiruhilekoaren emaitza: %7,4 hobetu da irabazia, iazko epe berekoaren aldean. Hala, 19 milioi euro irabazi ditu Euskaltelek.