Foruzaingoak azaldu duenez, hildakoa Artatzakoa bertakoa zen, eta 55 urte zituen.
Langilea kanpinean lan egiten ari zen, garabi-kamioi batean. Oraindik azaldu ez dituzten arrazoiak direla medio, garabiko saskia erori egin da, hamar metroko altuera batetik. Langileak kolpe handia jaso du buruan, eta berehala hil da.
Gorpua Iruñera eraman dute, autopsia egin diezaioten.
Urte hasiera beltza izan da lan osasunarentzat. Sindikatuen datuen arabera, hilaren 1az geroztik gutxienez bederatzi lagun hil dira lanean ari zirela.
