Langile bat hil da Santurtziko Zamakona ontziolan (Bizkaia), garabi bat gainera erori baitzaio. Ezbeharra 17:15ean izan da, Eusko Jaurlaritzako Segurtasun Sailak jakinarazi duenez.
Langilea bera ari zen garabia gidatzen, ontziolaren barruan; oraindik ez dakite zergatik, baina gainera erori zaio, eta azpian harrapatuta hil da. Bizkaiko suhiltzaileek erreskatatu dute gorpua.
24 orduan Bizkaian hildako bigarren behargina da; astelehen arratsaldean, Galdakaoko lantegi batean izan zen istripua. Urtea hasi denetik, Euskal Herrian lanean hildako 11. langilea da.
