Lanpostuak sortzeko planak aldi bateko lana sustatzen duela salatu du ELAk

Lanbidek langabeak kontratatzeko bideratu duen laguntza errefusatu du ELAk, «aldi baterako lana bultzatzen duelako», Janire Landaluze bulego teknikoko kidearen esanetan. Sei hilabetez langabeei lana ematearen truke, 1.800 eta 2.300 euro arteko laguntzak emango ditu Lanbidek. Denetara, 42 milioi euro bideratuko ditu programa horretara, eta tokiko erakunde, enpresa pribatu, irabazi asmorik gabeko erakunde eta gizarteratzeko enpresetan lanpostuak sortzea izango da helburua. 2009an ere neurri berbera hartu zuen Lanbidek, eta epe horretan lan egin zutenetatik %26,1k bakarrik jarraitzen dutela lanean salatu du ELAk.

«Kasurik onenean, sortzen den lanpostua prekarioa eta denbora baterakoa da», esan duLandaluzek. Laguntzek mota horretako lana bultzatzen duela dio. «Enpresek sortuko lituzketen aldi baterako kontratuen gastua ordaintzeko prest dago Lanbide».Landaluzeren hitzetan, langile horienkontratazioa «enpresentzako ia doakoa» izatea bermatzen du Lanbidek.

Mikel Noval arlo sozialeko arduradunaren ustez, Eusko Jaurlaritzak defizita murriztu nahi du, gastuak murriztuz. Eta neurri horrek «langabezia igotzen laguntzen du, eta hori ezkutatzeko, lanpostuak sortzeko planak aurkezten ditu». Era berean, Jaurlaritzak enplegu politikarik ez izatea salatu du.