Industrialdeetan izan dira piketeak goizean goiz, eta handik merkataritza guneetara jo dute, haiek irekitzeko orduan. Liskar gehien hiriburuetan izan da: komertzio handiak irekita topatu dituzte piketeek, baina haietara gerturatzea galarazi diete ertzainek.
Bilbon, esate baterako, piketeak Kale Nagusiko bitxi denda batera sartzen saiatu dira, baina ertzainek ez diete utzi. Identifikatu egin dute manifestari bat, eta abisu eman diote mozal legeagatik isuna iritsiko zaiola. Irekita zeuden denda handien atarietan ertzainak topatu dituzte. Manifestazioa pasatzean itxi egin dituzte, hala ere, haietako batzuk: adibidez, El Corte Ingles.
Bestelakoa izan da egoera Alde Zaharrean. Denda gehienak itxita zeuden piketeak joaterako, eta irekita zeudenek ateak itxi dituzte manifestazioa ikustean.
#U30GrebaOrokorra
— Maite Asensio Lozano (@MAsensioLozano) January 30, 2020
Bilbo, 10:30. Isiltasun ezohikoa Alde Zaharrean. Jende gutxi kalean, ia autorik ez, eta Zazpikaleetako denda eta taberna gehienak itxita, baita Erriberako merkatua ere.@berriapic.twitter.com/3ywwp5X7xd
Donostiako erdigunean ere antzekoa gertatu da: denda eta kafetegiak irekita egon dira, harik eta manifestazioak bertatik pasatu diren arte.
Denda eta taberna ugari zabalik Donostiako erdigunean. Ixten doaz manifestazioa pasa ahala. Pertsianen atzean, argiak piztuta. @berria#U30GrebaOrokorrapic.twitter.com/3N0TRFiSUt
— Irune Lasa (@IruneLasaA) January 30, 2020
Baina hirigunetik kanpoko lekuetan bestelakoa izan da egoera. Usurbilgo (Gipuzkoa) Urbil merkataritza gunean, esate baterako, tentsio handia izan da. Barrura sartzen saiatu dira piketeak, baina ertzainek ez diete utzi. Borrak astindu dituzte, eta manifestariak ateetatik aldenarazi. Nolanahi ere, merkataritza guneko ateak irekita izan arren, barruan ez zen jarduerarik, goizean behintzat. Ertzain gehiago zegoen, bezeroak eta langileak baino.
Hara bidean, Ertzaintzak gazte batzuk ere identifikatu ditu. Gainera, ez dira zutabe horretan identifikatu dituzten bakarrak; lehenago, Lasarte-Orian Argia-ko kazetari bat eta Diario Vasco-ko argazkilari bat ere identifikatu baitituzte.
Ertzaintza gehiago Urbilera. Tentsio une handiak sarreran. Ertzaintza oldartu egin da grebalariak sartzen saiatu direnean. @berria#U30GrebaOrokorrapic.twitter.com/7lBf5kb3a1
— Xabier Martin (@Xabier_Martin) January 30, 2020
Gasteizen Boulevard merkataritza gunea ixteko ahalegina egin dute. Ez dute lortu erabat ixtea, baina bai une batez geldiaraztea.
10:00. Gasteiz. Iparraldeko zutanbeak Boulevard merkataritza gunea itxi du tarte batez. Errepidea mozten ari dira orain. @berriapic.twitter.com/7cja3qbK0C
— Aitor Biain (@Aitorbi) January 30, 2020
Gasteiz erdigunean are handiagoa izan da tentsioa. Izan ere, Ertzaintzak manifestarien kontra pilotak jaurti ditu.
10:29, Gasteiz. Ertzaintza oldartu egin da, eta pilotak jaurti dituzte @berriapic.twitter.com/nVdXylIfeG
— Amaia (@Amaianaaiz) January 30, 2020
Piketeak pasatu ahala itxi dituzte ateak beste hainbat tokitako dendetan ere. Lizarrako (Nafarroa) Eroskin, adibidez, halaxe egin dute.
09:52. Piketea igaro ahala, Eroskik ateak itxi ditu, guardia zibilen begirada pean. Errepide alboko tailer askok ateak ireki dituzte berriz ta trafikoak normaltasuna hartu du. Tamaina handia duen Ega textilen, kotxeak badira aparkatuta baina aparkaleku handiena hutsik ia. @berria
— Joxerra Senar (@joxerrasenar) January 30, 2020
