Nicolas Correa taldeak 2,5 milioi galdu ditu

DONOSTIA. Urte hasiera txarra izan da Nicolas Correa taldearentzat. Martxora arte, 2,5 milioi euroko galerak izan ditu, eta eskaera zorroak %43ko jaitsiera izan du joan den urtearekin alderatuta. Iaz ere, tarte berean, 1,1 milioi galdu zituen. Fresagailuak egiten ditu enpresak, munduko ekoizle nagusietako bat da, eta Deban du egoitza nagusia.