Nork erabakitzen du zerga politika?

Euskal Autonomia Erkidegoko kontzertu ekonomikoak dio aldundien esku dagoela zergak biltzea, baita haren gaineko legedia egitea ere. Baina kontzertuak berak dio zerga ereduak «harmonikoa» izan behar duela, foru lurraldeen artean ez ezik, baita Espainiarekin ere, hau da, ezin dela zerga aldetik alde handirik izan hiru diputazioen arauen artean, ezta Espainiako legediarekin ere. Hiru lurraldeen zerga sistema harmonizatzeko asmoz Zerga Koordinatzeko Organoa sortu zuen Eusko Legebiltzarraren 1989ko lege batek. Aldundietako hiru kide eta Jaurlaritzako beste hainbat biltzen dituen erakunde horrek ekarri du aldundien arauak oso antzekoak izatea orduz geroztik.