Parisek RSA laguntzak handitu ditu, eta Madrilek oinarrizko errenta iragarri du

PARIS. RSA gutxieneko errenta eskuratzen duten Ipar Euskal Herriko familiek 150 euroren gainsari bat jasoko dute maiatzaren 15ean: seme-alaba bakoitzeko beste ehun euro. «Premiazko laguntza» hori jasoko dute, halaber, RSArako baldintzarik bete ez arren alokairurako laguntza eskuratzen dutenek. Espainiako Gobernuak, berriz, atzo jakinarazi zuen maiatzean onartuko duela gutxieneko errentaren egitasmoa. Erkidegoen errentekin bateragarria izango dela aurreratu zuen, baina ez zuen zehaztasun gehiago eman.