Pascal Gomez da Arabako enpresarioen elkarteko lehendakari berria, gaur elkarteko errektore batzordeak erabaki duenez. Juan Jose Azurmendi aurreko presidentea hil egin zen astelehenean, gaixotasun baten ondorioz; 65 urte zeuzkan.
Tarbesen (Frantzia) jaio zen Gomez, 1965ean, eta Gasteizen bizi da. Auxitec eta Babiotec egitasmoen buru da, eta 2001etik Gesin taldearen presidentea. Arabako Komertzio eta Industria Kamerako lehendakariordea da. Arabako, EAEko eta Espainiako enpresario gazteen elkarteetako buru izan zen bere garaian.
