Pinudiak fumigatzea babestu du Bizkaiak, oposizioak kontra egin arren

BILBO. Oxido kuprosoa arriskutsua eta «legez kanpokoa» izan litekeela ohartarazi dute oposizioko alderdiek Bizkaiko Batzar Nagusietan, eta Naturkon talde ekologistak «arras toxikotzat» jo du. Hala ere, Elena Unzueta Natur Inguruneko diputatuak babestu egin zuen banda marroia eta banda gorria gaitzek jotako pinudiak fumigatzea, erabili den beste herrialde batzuetan «emaitza onak» izan dituelako.