Politikariak laborategian

Ikerlan-IK4k atzo inauguratu zuen mikro eta nanoteknologian espezializatutako laborategia, Arrasateko Garaia Berrikuntza Poloan (Gipuzkoa). Sei milioi eurotik gora inbertitu dituzte. Argazkian, Bernabe Unda Jaurlaritzako Industria sailburua, Javier Mendigutxia Ikerlaneko zuzendari nagusia, Jose Maria Aldekoa Mondragon Korporazioko zuzendari nagusia, Markel Olano Gipuzkoako diputatu nagusia eta Carlos Martinez Espainiako Ikerketa estatu idazkaria.