MADRIL. Bankiaren burtsaratzean iruzurra egitea leporatuta eseriko dira 35 lagun akusatuen aulkian, eta horietatik asko pertsona ezagunak dira. Ustelkeriaren Kontrako Fiskaltzak akusatutakoen artean dago Rodrigo Rato Espainiako lehendakariorde eta Ekonomia ministro izandakoa, hura zelako entitateko presidentea Bankia burtsaratu zenean. Ratorentzat bost urteko kartzela zigorra nahi du fiskaltzak, eta lau urteko zigorra Jose Luis Olivas Bankiako presidenteordearentzat.
Espainiako Auzitegi Nazionaleko Fernando Andreu epaileak atzo eman zion hasiera ahozko epaiketari, baina autoan ez zuen epaiketarako datarik zehaztu. Ziurrenez, datorren urtean egingo da.
Andreu epailearen erabakiz, azkenean Deloitte aholkularitza agentzia ere akusatuen artean egongo da, «ezin delako baztertu kanpoko kontu ikuskariek faltsututako balantzeetan egiten duten ezinbesteko ekarpena». BFA eta Bankia ere akusatuak daude, baita Angel Acebes Espainiako Barne ministro ohia ere.
Rato eta Acebes epaiketara, Bankiaren burtsaratzeagatik
Auzibidea itxi eta epaiketa egitea erabaki du Espainiako Auzitegi Nazionalak. Guztira, 35 lagun epaituko dituzte.
Iruzkinak
Ez dago iruzkinik
Ordenatu
