Prezioen eragina kontuan hartuta, Arabako, Bizkaiko eta Gipuzkoako merkataritza gune handiek 2012an baino %0,9 gutxiago saldu zuten iaz. Bizkaian jaitsi dira gehien (-%1,8), eta Gipuzkoan ondoren (-%0,8), baina igo egin dira Araban (+%2,3). Termino nominaletan, hau da, inflazioaren igoera aintzat hartu gabe, %0,8 gehiago saldu dute. Saltoki horietan aritzen diren langileak duela urtebete baino %1,6 gutxiago dira.
Gabonak kontsumoarentzat garai ona izan arren, abendua azaroa baino kaskarragoa izan da saltoki handietan. Eustatek dio %6,3 gutxiago saldu dutela: %2,5 jaitsi dira elikagaien salmentak, eta %8,5, berriz, gainontzeko produktuenak.
