"Ez dugu onartzen SEPIren txostena, orain arteko ildo nagusiak mantetzen baititu eta ez baitu Naval guk nahiko genukeen eran uzten; printzipioz, egoera hau arbuiatzen dugu", adierazi dio Euskadi Irratiari Miguel Angel Asporosa Navaleko langile batzordeko buruak.
Hala ere, SEPIrekin dituzten bileretara joaten jarraituko dutela agertu du Asporosak, baina gustuko ez dutena aldatzeko eskatzera.
Datorren asteartean dute SEPIrekin bilera. Aurretik, berriz,Izar Espainiako ontziola publikoen taldeko lantegietako langileen batzordeekin batzarrak egingo dituzte sindikatuek.
Navalen etorkizuna
SEPIren proposamen berria ez du onartu Navaleko langile batzordeak
Atzo arratsean jaso zuten Sestaoko (Bizkaia) Naval ontziolako langileek SEPI Espainiako Industria Partaidetzarako sozietateak lantegi horren etorkizunari buruz egin duen industria plan berria. Proposamena aztertzeko bilera egin du gaur goizean Navaleko langile batzordeak, eta argi eta garbi adierazi du plan berria ez dutela onartzen. Izan ere, Navalen kapitalaren gehiengoa pribatua izatea proposatzen jarraitzen du SEPIk, eta langileak aukera horren aurka daude.
Iruzkinak
Ez dago iruzkinik
Ordenatu
