Inflazioa apaldu ahala ari da apaltzen soldaten igoeraren erritmoa. Nastatek gaur emandako datuen arabera, aurtengo otsailaren amaiera bitarte Nafarroan egin diren lan hitzarmenek batez beste %3,64ko soldata igoera ekarriko dute, duela urtebete baino puntu erdi gutxiago (%4,1), eta 2022an baino ia puntu bat beherago (%4,53).
Soldata igoera handiagoak dituzte sektorekako itunek (+%3,71), enpresetan lortutakoak baino (+%2,87).
Laurogei lan hitzarmen berritu dira orain arte Nafarroan. Horietatik 66 enpresako itunak dira (6.935), eta beste hamalauak, berriz, sektorekoak (%75.438). Aurreko urteetako otsailean baino nabarmen gutxiago dira. 2023an, esaterako, 135 zeuden indarrean, eta berrehundik gora 2015-2020ko epean.
