Pneumatikoak birziklatzeko planta da Indugarbi. Langileak bertatik aterarazi dituzte eta ez da inor zauritu, baina kalteak eragin ditu suteak lantegian eta bertan bildutako materialetan.
Nafarroako SOS Deiek jaso dute abisua, eta bertara joan dira Peralta, Tutera eta Tafallako suhiltzaileak. Helikoptero bidez ura botata lortu dute garrak ez zabaltzea, baina oraindik ez dute sutea kontrolpean.
