LEIOA. Etorkizuna berriro zaildu zaio Leioako Vicrilari (Bizkaia). Beira enpresa Gestiberren esku utzi zuen haren konkurtsoaren administratzaileak joan den den abuztuan, baina inbertsio funts horrek ez ditu jarri agindutako 8,5 milioi euroak. Luzapena eskatu zuen Gestiberrek, baina, arrazoiak justifikatu ez dituenez, adjudikazioa kendu dio administratzaileak, eta beste erosle baten bila hasi da. Cambium-Glassyfy da orain hautagai nagusia, aurreko enkantean galtzaile izan zen funtsa. Oraindik interesatuta dagoela jakinarazi die Cambiumek langileei, baina lantaldea txikitzeko asmoa berretsi du: 290 langileetatik 70 kaleratu nahi lituzke.
Lantegi historikoa da Vicrila, baina kinka larrian dabil, 50 milioi eurotik gorako zorra itzultzerik ez duelako. Azken asteotan salmentei eta ekoizpenari eutsi dio, baina lehengaia bukatzen ari zaio.
Langileek batzar bat egingo dute gaur, egoera aztertzeko.
Vicrilako administratzailea, erosle baten bila
Iruzkinak
Ez dago iruzkinik
Ordenatu
