Volvok Txinako lantegiak ireki ditu, eta itxi Europakoak eta AEBetakoak

STOCKHOLM. Europako eta AEBetako lantegi guztiak itxi ditu dagoeneko Volvok, eta horrela segituko dute gutxienez apirilaren 14ra arte. «Gure plana da Aste Santu osterako dena normal ibiltzea, jendeari argia emateko tunelaren amaieran. Espero dugu hala izatea», azaldu du Hakan Samuelsson Volvoko buruak. Normaltasun horretara itzultzen ari dira, berriz, Txinako lantegiak. Denak irekita ditu Volvok, salmentak hasi baitira.