Nikos Anastasiadis Zipreko presidenteak atzo jakinarazi zuenez, ia prest du presazko hainbat neurri biltzen dituen plana. Fileleftheros egunkariari emandako elkarrizketan adierazi zuenez, asmoa da neurri horiek hiru eta sei hilabete arteko epean ezartzea.
Plan horrekin inbertsio proiektuetarako prozedurak bizkortu, atzerriko kapitala erakarri, gazteen enplegua sustatu eta argindarraren faktura merkatu nahi du Nikosiak, besteak beste. Izandako etekinak enpresan inbertitzen dituzten konpainiei zerga hobariak emateko aukera ere biltzen du planak.
Larunbatean Zipreko Bankuak baieztatu zuen gordailu handiei %37,5 kenduko dietela.
